WAZIRI WA KILIMO, MALIASILI, MIFUGO NA UVUVI AZINDUA BODI TATU-July 2017


Waziri wa kilimo Maliasili Mifugo na Uvuvi Mhe. Hamad Rashid Mohamed amesema madhumuni ya kuazishwa kwa bodi ya kampuni ya uvuvi ya Zanzibar (ZAFICO) ni kuimarisha miundombinu na kuendeleza Uvuvi kibiashara, pamoja na kuazisha viwanda vya samaki nchini. Uwepo wa kampuni kutaongeza upatikanaji wa ajira kwa vijana na kukuza kipato cha wananchi na kuwawezesha wavuvi wadogo wadogo kuvua katika bahari ya kina kirefu. Hayo aliyaeleza wakati akizinduwa bodi ya Mamlaka ya Uvuvi, na kuchaguliwa kwa ndugu Omar Hassan Omar kuwa Mwenyekiti wa bodi hiyo. Wakati huo huo Mhe. Hamad alizinduwa Bodi ya wakurugenzi taasisi ya utafiti wa Mifugo na kuitaka bodi kufanya tafiti kwa kutumia teknologia za kisasa ili kuweza kupata taarifa kamili za wafugaji, ardhi, maji na maeneo ya kufungia kwani hii itapelekea thamani ya nyama na kututoa kwenye ufugaji duni ambao hauleti tija kwa wafugaji walio wengi. Pia Mhe. Hamad amesisitiza suala la elimu ya ufugaji lipewe kipaumbele kwani tunaelekea kwenye biashara zaidi hivyo taasisi hiyo inatarajiwa kufanya kazi kwa bidii na kuonesha mabadiliko kwa kuwawezesha wafugaji waweze kuengeza uzalishaji wa mifugo iliyo bora. Nae Mwenyekiti wa Bodi hiyo profesa Saleh Idirsa aliwaomba wajumbe kuwa tayari kutekeleza majukumu waliopewa kwani Taifa linawahitaji kuleta maendeleo ya Mifugo nchini. Aidha Mhe. Hamad pia alizindua Bodi ya Ushauri ya Wakala wa Serekali wa huduma za Matrekta na zana za kilimo alieleza kuwa Serekali ya Mapinduzi ya Zanzibar katika kutekeleza mikakati ya mangeuzi ya kiuchumi na kijamii ina lengo la kupunguza umaskini na kuongeza pato la Taifa. Kutokana na hayo imeona kuna umuhimu wa kuazisha wakala utakaowezesha wananchi kutokana na utegemezi wa zana duni za kilimo na kukiwezesha kilimo kuwa endelevu na cha kibiashara na chenye kumpatia tija mkulima. Bodi hiyo itakayo kuwa na majukumu ya kutoa ushauri juu ya kutayarisha na kufanya mapitio ya Sera zinazohusiana na malengo ya wakala pamoja na kushauri juu ya utekelezaji wa mpango mkakati wa wakala wa Serekali wa huduma za Matrekta. Bodi ilimteuwa ndugu Haroub S. Nassor kuwa mwenyekiti wa bodi hiyo. Akitoa ufafanuzi Katibu Mkuu wa Wizara ya Kilimo, Maliasili, Mifugo na Uvuvi ndugu Juma Ali Juma alisema uzinduzi wa Bodi hizo ni ishara tosha kuwa Serekali ipo tayari kuhudumia wakulima, wafugaji na wavuvi na kuona sekta hizi zinasonga mbele kwa kuzalisha mazoa yaliyo bora na yatakayokubalika kimataifa.

Maoni

Chapisha Maoni

Machapisho maarufu kutoka blogu hii

Picha
NZI WAHARIBIFU WA MATUNDA. UTANGULIZI Zanzibar ni sehemu ambayo wananchi wake wanategemea zaidi Kilimo cha mazao mbali mbali ikiwemo uzalishaji wa matunda na mbogamboga kwa ajili ya chakula pamoja na  biashara kwa kipindi kirefu. Wananchi wakijipatia kipato kwa kukidhi mahitaji na maisha yao ya kila siku pamoja na kunyanyua uchumi wa nchi mazao kama Embe ya Borobo Muyuni zilikua zikisafirishwa hadi nchi za Kiarabu na Ncui kuingiza pesa za kigeni, lakini miaka ya karibuni pamejitokeza wadudu wapya  waharibifu  wa matunda ambao wamesababisha kiwango cha uzalishaji wa mazao hayo kupungua hali iliyosababisha kukosekana kwa soko la ndani na la nje ya nchi kwa ajili ya usafirishaji wa matunda  na kuweza kukosesha Zanzibar Fedha za kigeni kupitia uzalishaji wa matunda. ASILI YA NZI WAGHARIBIFU WA MATUNDA. Nzi wagharibifu wa Matunda wameenea karibu ulimenguni kote isipokua katika Bra la Antaktika, Nzi hao wamegawanyika katika jamii mbali mbali , kati ya jamii hizo ni ja
Endelea kusoma
Picha
MAKALA YA PWEZA . Fahamu maisha ya Pweza jinsi ya kuvuliwa kwake pamoja na faida zake zilizokuwemo katika kitoweo hicho chenye afya nyingi katika mwili wa binadaamu. Hakika kila sifa njema anastahiki Mwenyezi Mungu mtukufu wa daraja alieumba bahari, ikiwa ni sehemu kubwa kati ya zile zilizoko juu ya mgongo wa ardhi, kimaumbile ni sehemu ya maji chumvi iliyojaa neema kubwa ikihusisha viumbe tofauti, miongoni mwao ni pamoja na wanyama, samaki, wadudu na jamii ya mimea. Eneo hili lililosheheni viumbe  hai limekua ni makaazi ya mamilioni ya viumbe zikiwemo aina tofauti zenye kushangaza na kustaajabisha kutokana na ukubwa wao ama namna ya maumbile yao mfano wanyama kama nyangumi. Pweza ni kiumbe kilicho katika kundi la wanyama waishio baharini, ingawaje watu wengi humjumuisha katika kundi la samaki ikiwa ni kitoweo adhimu kinachopendwa na jamii za watu wa pwani. Katika Makala hii, mtaalam kutoka Idara ya maendeleo na Uvuvi Zanzibar Buriyani Musa Hassan anachambua mazingira
Endelea kusoma
Picha
 Mkurugenzi wa Wakala wa Serekali wa huduma za matrekta na zana za kilimo Nd. Affan Othman Maalim akitoa maelezo kwa Makamo wa pili wa Rais Balozi Seif Ali Iddi alipotembelea wakala huo kwenye maonyesho ya siku ya chakula duniani kwenye viwanja vya Dole.  Mkurugenzi wa Idara ya Umwagiliaji Maji Nd. Haji Hamid Saleh akitoa maelezo yanayohusu Idara yake kwa Makamo wa pili wa Rais  Balozi Seif Ali Iddi alipotembelea wakala huo kwenye maonyesho ya siku ya chakula duniani kwenye viwanja vya Dole.  Mtaalum wa kilimo cha umwajiliaji maji Nd. Aisha Iddi Amani akitoa maelezo juu ya mbinu bora za kilimo cha mpunga wa umwagiliaji maji kwa  Makamo wa pili wa Rais  Balozi Seif Ali Iddi alipotembelea wakala huo kwenye maonyesho ya siku ya chakula duniani kwenye viwanja vya Dole.  Mkurugenzi Idara ya Kilimo Mohamed Rashid   akitoa maelezo yanayohusu Idara yake kwa Makamo wa pili wa Rais  Balozi Seif Ali Iddi alipotembelea wakala huo kwenye maonyesho ya siku ya chakula duniani kweny
Endelea kusoma